Golf GTI Spec.
http://www.gtilovespeed.com/pdf/golf_gti_spec.pdf
今日試左架全新 Golf GTI MK6, 之前係海運見過真車, 感覺都係同 MK5 無乜大分別
今日試左,車... 感覺無我心目中咁快,可能我之前高估左佢..
開 Turbo 前都係無乜力...因為Turbo lag, around 2000rpm 先殺出 turbo
DSG 波箱smooth shifting, but... 都係要等一等, 可能有computer介入, 所以無棍仔來得直接,
狃力280Nm@1700-5,200rpm 同我架 Polo GTI 應該有得比... (220Nm @ 1,950-4,500 rpm),
一來車身輕, 二來棍仔! 相差都係 80Nm 但係佢狃力早出過我(數字上黎睇),
實質感覺都係差唔多...
條喉聲沉實!重Bass! 無我架咁大聲! 唔知點解高轉轉波會聽到"boo" 一聲??!!
Breaks:
超級敏感, 一 dup 小小即停! 要比多 D 時間適應!
Suspensions:
灣路無乜機會試到,因為太多車...
初步灣感幾好! 原廠set 左係 sport mode 唔會太硬... 我會用"適中"黎形容
如果要加套電子避震要加多$12,000! 都係要訂!
Interior:
感覺豪華加跑感重, 桶seat 唔錯!
坐落去好似比D 電子野包實左咁... 問下sale 有無傳統 Golf GTI 嘅格仔凳!
答案係：訂都無!!! 有無攪錯!! 我最鍾意嘅凳都無!
坐後座... 得一個字: 悶... 所有野係晒前面... 後面無得一齊玩~ 音晌係 touch screen, USB, AUX-in ready, 有後波鏡頭, 前後 parking sensors
如果要我買, 我要返棍波, 因為棍波感覺來得直接!
試完車無開心嘅衝動, 無驚喜, 始鍾都係同 Golf MK5 相差無幾，我都係覺得小改!
Interior都係一貫 Volkswagen 作風
如果用Polo GTI 黎講，Golf GTI 都係玩味無Polo GTI咁重,
一來車身重, 二來太多豪華野... 又後波鏡頭,又headlight washer.... 都幾多 gimmick野!!
試想下?? 以前泊車都係無咁多野架啦~ 咪又係咁樣泊?! Headlight washer 係香港有乜用?
Price tag: $318,000...咁嘅價錢我不如加多小小買架 Audi A3? 如果分開黎供都唔差得好多...
所以我對而家㗎 Polo GTI 仍然喜愛! 勝在簡單! 直接! 快!